strætódruslur

Núna þegar ég get ekki hjólað í vinnuna vegna þess að Ísland er leiðindaland sem alltaf snjóar í og þjónusta við almenning er ömurleg hvað varðar ruðning á gangstéttum og hjólastígum þá verð ég því miður að taka strætó. Ekki sérdeilis ánægð með hækkun á strætófargjöldum
280 krónur í strætó – fyrir þjónustu sem kemur einungis á 20 mínútna til 30 mínútna fresti og er aldrei (og ég meina næstum aldrei) á réttum tíma.

Stakt strætó 280 krónur sem samsvarar $4, £2, €3.10 – og Reykjavik er lítil lítil borg

Ég gerði smá óvísindalegan samanburð á strætóverði
London = 2 Pund (næstum sama og í Reykjavík (2,03 pund) nær því þó ekki alveg, en verðum líka að athuga að gengið er 137)
París = 1.30 evrur (1,8 evrum eða 162 krónum ódýrara en í Reykjavík)
Berlín = 1,20 evrur (1,9 evrum eða 172 krónum ódýrara en í Reykjavík)
Róm = 1 evra (2,10 evrum eða 190 krónum ódýrara en í Reykjavík)
New York = 1 dollari (3 dollurum eða 209 krónum ódýrara en í Reykjavík)

Þetta er fáranlegur verðmunur, svo ekki sé tekið mið af því að strætó á Íslandi fer á 20-30 mínútnta fresti en lengst af milli strætóa er t.d. um 10 -12 mín í London. Mér finnst að eitthvað þurfi að gera í þessu þetta er hreinlega ekki hægt. Hvernig dettur ráðamönnum í hug að gera svona og reyna svo að væla um að Reykjavíkingar taki ekki strætó!!!!!!!Væri mikið til í að sjá hvort tölur séu til um íbúðafjölda og notkun á strætó miðað við í Reykjavík og á Akureyri þar sem er ókeypis í strætó.
Hingað og ekki lengra